भाजपच्या नगरसेवक रितू तावडे मुंबईच्या नव्या महापौर! वाचा, कोण आहेत रितू तावडे?

आपल्या मतदारसंघातील लोकांशी थेट संपर्कात राहतात आणि नागरिकांच्या समस्या जागेवर जाऊन समजून घेतात.

भाजपच्या रितु तावडे  मुंबई महानगरपालिकेच्या महापौर झाल्या आहेत. (BMC)  रितु तावडे बीजेपीच्या ज्येष्ठ नगरसेविका आहेत आणि गेल्या अनेक वर्षांपासून नगरपालिका राजकारणात सक्रिय आहेत. त्यांच्या नावाची चर्चा महापौरपदासाठी आधीपासूनच मजबूत दावेदार म्हणून होत होती. रितु तावडे यांनी नुकत्याच झालेल्या बीएमसी निवडणुकीत वार्ड क्रमांक १३२ (घाटकोपर परिसर) मधून विजय मिळवला.

मोठी बातमी! रितू तावडे मुंबईच्या महापौर तर संजय घाडी उपमहापौर होणार

कोण आहेत रितु तावडे?

२०१२ मध्ये वार्ड क्रमांक १२७ मधून पहिल्यांदा निवडून आल्या.

२०१७ मध्ये वार्ड क्रमांक १२१ (घाटकोपर) मधून विजयी झाल्या.

२०२५-२६ च्या निवडणुकीत पुन्हा घाटकोपरच्या वार्ड १३२ मधून जनतेने त्यांच्यावर विश्वास ठेवला.

शिक्षण आणि पार्श्वभूमी

रितु तावडे यांनी १२वी पर्यंतचे शिक्षण पूर्ण केले आहे. त्यानंतर त्यांनी बी.कॉम (एस.वाय. बी.कॉम) ची पदवी घेतली. ही पदवी त्यांनी मुंबईतील एन.जी. आचार्य कॉलेज, चेंबूर येथून १९९५-९६ या काळात पूर्ण केली. राजकारणात येण्यापूर्वीच त्यांनी शिक्षणाचे महत्त्व जाणले आणि नंतर बीएमसीमध्ये शिक्षणाशी संबंधित कामांवर विशेष भर दिला.

महत्त्वाच्या जबाबदाऱ्या

बीएमसीमध्ये त्यांना अनेक महत्त्वाच्या जबाबदाऱ्या मिळाल्या. त्या मुंबई महानगरपालिकेच्या शिक्षण समितीच्या अध्यक्ष राहिल्या आहेत. या काळात त्यांनी महापालिकेच्या शाळांशी संबंधित मुद्द्यांवर सक्रिय काम केले. शाळांची सुधारणा, मुलांच्या सुविधा आणि शिक्षण गुणवत्ता वाढवणे ही त्यांच्या प्राधान्यक्रमातील बाब होती.

जमीनी नेते म्हणून ओळख

रितु तावडे यांना जमीनी नेते म्हणून ओळखले जाते. त्या आपल्या मतदारसंघातील लोकांशी थेट संपर्कात राहतात आणि नागरिकांच्या समस्या जागेवर जाऊन समजून घेतात. रस्ते, पाणीपुरवठा, स्वच्छता, शाळा आणि आरोग्य यासारख्या मुद्द्यांवर त्यांची सक्रियता नेहमी दिसते. यामुळेच जनतेमध्ये त्यांची चांगली पकड आहे.

महापौरांना किती मानधन?

बीएमसी महापौरांना मानधन दिले जाते. अहवालानुसार, मूलभूत मानधन सुमारे ६,००० रुपये मासिक आहे. याशिवाय विविध भत्ते आणि सुविधा मिळतात, ज्यामुळे एकूण मासिक मानधन ५०,००० रुपये च्या आसपास होते. यात सरकारी निवास (मेयर हाउस), वाहन, स्टाफ आणि इतर सुविधांचा समावेश होतो. हे पद मानधनापेक्षा प्रतिष्ठेचे आणि जबाबदारीचे मानले जाते. भाजपची ही पहिल्यांदाच बीएमसीमध्ये महापौर पद मिळवण्याची संधी आहे. गेली 25 वर्ष इथ शिवसेना ठाकरेंचा महापौर होत आला आहे.

संबंधित बातम्या